Librezale.org

Nola ezabatu databasea wp berriz instalatzeko?

Iraila 27, 2005 at 10:28 am · Igortzailea: azo · Atala(k): Galderak eta erantzunak

Galdera
Wordpress instalatu eta fallo batzutaz ohartu naiz. Berriz instalatu nahiean nabil baina honako mezua azaltzen zait:

Already Installed

You appear to have already installed WordPress. To reinstall please clear your old database tables first.

Inork lagunduko al dit??

Mila esker!

2 Iruzkin »

  1. Txopi -(e)k esan zuen,

    Iraila 28, 2005 @ 5:12 pm

    Nire ustez, erarik errazena datu-basea ezabatu eta berriz sortzea izango litzateke, zeuzkan baimenak berrezarriz. Era horretan, ez dituzu WordPress-eko datu-baseko taulak banan-banan ezabatu beharko.

    Hori egin ahal izateko, WordPress-eko instalazioaren urrats batetan egiten den antzeko zerbait egin beharko duzu:

    C:\Archivos de programa\MySQL\MySQL Server 4.1\bin>mysql.exe -u administrarierabiltzailea -p
    Enter password: ***********
    Welcome to the MySQL monitor. Commands end with ; or \g.
    Your MySQL connection id is 4 to server version: 4.1.8-nt-log

    Type ‘help;’ or ‘\h’ for help. Type ‘\c’ to clear the buffer.

    mysql> DROP DATABASE datubaseizena;
    Query OK, 1 row affected (0.00 sec)

    mysql> CREATE DATABASE datubaseizena;
    Query OK, 1 row affected (0.00 sec)

    mysql> GRANT ALL PRIVILEGES ON datubaseizena.* TO “wordpresserabiltzailea“@”ostalaria“
    -> IDENTIFIED BY “pasahitza“;
    Query OK, 0 rows affected (0.00 sec)

    mysql> EXIT
    Bye
    C:\Archivos de programa\MySQL\MySQL Server 4.1\bin>

    administrarierabiltzailea: MySql-ko erabiltzaile bat da, datu-baseak ezabatu eta sortzeko baimenak izan behar dituena. Normalean root erabiltzailea da baimen horiek dituena.

    datubaseizena: WordPress lehen aldiz instalatu zenuenean erabili zenuen izena (wordpress, blog, …). Gogoratzen ez baduzu, wp-config.php fitxategian DB_NAME aldagaiaren balorea begiratu.

    wordpresserabiltzailea: WordPress lehen aldiz instalatu zenuenean erabili zenuen erabiltzailea (wordpress, …). Gogoratzen ez baduzu, DB_USER aldagaiaren balorea begiratu.

    ostalaria: gehienetan balore hau localhost izaten da, baina mysql zerbitzaria eta web zerbitzaria makina desberdinetan badaude bestelako balorea ere izan dezake. Gogoratzen ez baduzu, DB_HOST aldagaiaren balorea begiratu.

    pasahitza: WordPress lehen aldiz instalatu zenuenean, wordpresserabiltzailea-rentzako erabili zenuen pasahitza. Gogoratzen ez baduzu, DB_PASSWORD aldagaiaren balorea begiratu.

    MySQL-ko administraria ez bazara, ezin izango duzu datu-base osoa ezabatu. Beraz, taulak banan-banan ezabatu beharko dituzu. Horretarako, lehen egin dugun bezala terminala erabiliz MySql-ko bezeroarekin konektatu eta taulak ezabatu itzazu. Bestela, phpMyAdmin bezalako grafikodun tresna bat ere erabili dezakezu.

  2. azo -(e)k esan zuen,

    Iraila 28, 2005 @ 6:13 pm

    Mila esker!!

RSS feed for comments on this post · Aipuaren URIa

Iruzkina utzi