Weblog honek wordpress-en azken euskaraketa erabiltzen du, baina sartu genion theme-ak bazituen hitz eta esaldi berriak euskaratu beharra zeukatenak. Oraintxe bertan itzuli ditut eta beraz, oker ez banago, orain webgune osoa euskaratuta dago.

RSSen inguruko testuren bat falta dela uste dut baina beste ezer euskaratzeke dagoela ikusten baduzue, esantzazue mesedez. Eskerrik asko

Wordpress-eko euskaraketa leku baten baino gehiago dago, eta orainarte programa honen euskaraketan interesaturik gaudenok ez dugu erabaki zein den erabili nahi dugun biltegi lehenetsia ezta etorkizunean beharrezkoak izango diren eguneraketak egiteko nola antolatu nahi garen. Hasiko al gara gai hauek argitzen?
Bidalketa osoa irakurri »

Gaur bertan uda hasi bada ere, udaberrikoa omen den diseinua eman diot weblogari. Hala ere, aldaketa hauekin gunearen erakargarritasuna hobetu izana espero dut:

• Almost Spring delako theme bat sartu.
• Goikaldean Librezaleren burukoa gehitu.
• Oraindik logorik aukeratu ez dugunez, behin-behineko bat margotu (tximeleta) eta diseinura gehitu.

Oraindik bukatu ez badut ere (oina aldatzea falta da), zuen proposamenekin eta ideiekin has zaitezte mesedez. Ziur norbaitek nik baino logo askoz politagoa egin dezakeela…

Agurrak guztioi. WordPress zaleon txokoa martxan dago jada!

Oraintxe bertan dena lehenetsitako aukerekin dago. Beraz, denon artean erabakiak hartzen hasi gaitezke, adibidez, bidalketak sailkatzeko atalak, weblogaren itxura, logo bat nahi badugu, eta abar. Zure erabiltzailea erregistratu ezazu eta lehen bidalketa honi iruzkinak egiten hasi zaitez!