Firefox Mobile
Librezale.org(e)tik
Azalpena
Firefox Mobile Mozilla proiektuak gailu mugikorretarako prestatu duen nabigatzailea da. Fennec izena Firefox Mobile proiektuaren garapen-bertsioei eman izan zaie.
Firefoxen oinarrituta dago Firefox Mobile, baina bere erabiltzaile-interfazea osorik birmoldatu da gailu mugikorretan erabilterrazagoa izateko. Pantailaren ukipenaren bidezko elkarrekintzak sustatu dira, Firefoxek duen saguaren bidezko elkarrekintzaren ordez. Gailu mugikorretarako dauden beste nabigatzaile batzuen aurrean berrikuntza nagusi bat dauka: gehigarriak onartzen ditu. Firefoxen erabil daitezkeen gehigarri batzuk Firefox Mobilen ere erabil daitezke, eta bide honetan anaia nagusiaren bide arrakastatsu bera errepikatu nahi du.